Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 4 Mehefin 2019

Amser: 08.30 - 09.36

Preifat

------

Yn bresennol

Categori	Enwau
Aelodau’r Pwyllgor:	Elin Jones AC, Llywydd (Cadeirydd) Rebecca Evans AC Darren Millar AC Rhun ap Iorwerth AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Manon Antoniazzi, Prif Weithredwr a Chlerc y Cynulliad Siân Wilkins, Pennaeth Gwasanaeth y Siambr a Phwyllgorau Siwan Davies, Cyfarwyddwr Busnes y Cynulliad Gwion Evans, Pennaeth Swyddfa Breifat y Llywydd Elin Roberts, Cynghorwr Polisi i'r Llywydd Helen Carey, Llywodraeth Cymru Bethan Garwood, Ysgrifenyddiaeth y Siambr

<AI1>

1 Cyflwyniadau, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar gofnodion y cyfarfod ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Dydd Mawrth

· Ni fydd Cyfnod Pleidleisio.

Dydd Mercher

· Cynhelir yr holl bleidleisiau cyn y Ddadl Fer.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Yn eu cyfarfod ar 2 Ebrill, cytunodd y Rheolwyr Busnes, dros dro, i drefnu eitem ar y cyd â'r Senedd Ieuenctid ar 26 Mehefin. Dywedodd y Llywydd wrth y Pwyllgor nad yw'r manylion wedi'u cadarnhau eto, felly nid yw'r eitem ar y Datganiad Busnes ar hyn o bryd, ond y bydd papur yn cael ei gyflwyno i'r Pwyllgor Busnes yr wythnos nesaf.

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 19 Mehefin 2019 -

· Dadl ar adroddiad y Pwyllgor Plant, Pobl Ifanc ac Addysg - Bagloriaeth y Dyfodol: Statws cymhwyster Bagloriaeth Cymru (60 munud) wedi'i gohirio tan 3 Gorffennaf

· Dadl ar Ddeiseb P-05-869: Datgan Argyfwng Hinsawdd a gosod targedau di-garbon ym mhob polisi (60 munud)

· Amser a neilltuwyd i Blaid Brexit (60 munud)

Dydd Mercher 26 Mehefin 2019 -

· Dadl ar Gynnig Deddfwriaethol gan Aelod (30 munud)

· Dadl ar Adroddiad y Pwyllgor Cydraddoldeb, Llywodraeth Leol a Chymunedau: Amrywiaeth mewn Llywodraeth Leol (60 munud)

· Amser a neilltuwyd i Blaid Cymru (60 munud)

</AI6>

<AI7>

4 Busnes y Cynulliad

</AI7>

<AI8>

4.1 Llythyr gan Dai Lloyd AC

Ar gais yr Aelod, cytunodd y Rheolwyr Busnes i drefnu dadl yn y Cyfarfod Llawn ar gyfer 19 Mehefin mewn perthynas â Rheoliadau y Gwasanaeth Iechyd Gwladol (y Gymraeg mewn Gwasanaethau Gofal Sylfaenol) (Diwygiadau Amrywiol) (Cymru) 2019.

</AI8>

<AI9>

4.2 Effaith newidiadau diweddar i aelodaeth grwpiau ar bwyllgorau.

Cytunodd y Rheolwyr Busnes i leihau maint y saith pwyllgor polisi a deddfwriaeth wyth-Aelod i chwe Aelod yr un. Gofynnwyd i swyddogion ysgrifennu at Blaid Brexit ac Aelodau Annibynnol i ofyn am eu dewisiadau ar gyfer y lleoedd sy'n weddill ar Bwyllgorau.

Cytunodd y Rheolwyr Busnes hefyd y dylai dyraniad amser y Cyfarfod Llawn i grwpiau gwrthbleidiau ddilyn y gymhareb 11:10:4, er mwyn cynnal adlewyrchiad manwl o faint cymharol y grwpiau.

Nododd y Rheolwyr Busnes fod y Llywydd wedi cytuno i ganiatáu i Grŵp Brexit ofyn dau gwestiwn Arweinydd i'r Prif Weinidog, ac enwebu tri Gweinidog i ofyn dau gwestiwn llefarydd iddynt.

</AI9>

<AI10>

5 Rheolau Sefydlog

</AI10>

<AI11>

5.1 Cyngor cyfreithiol ar y cynnig i ddiwygio Rheol Sefydlog 1.3

Ystyriodd y Rheolwyr Busnes y cyngor cyfreithiol ar y cynnig i ddiwygio Rheol Sefydlog 1.3. Gofynnwyd i'r swyddogion ddrafftio adroddiad yn nodi pam eu bod wedi penderfynu peidio â bwrw ymlaen â'r newid ar hyn o bryd, ond i adolygu'r Rheolau Sefydlog perthnasol erbyn y chweched Cynulliad.

</AI11>

<AI12>

6 Y Pwyllgor Busnes

</AI12>

<AI13>

6.1 Coladu Canllawiau - Cwestiynau Llefarwyr

Ystyriodd y Rheolwyr Busnes y canllawiau cyfredol ar gwestiynau llefarwyr a chytunwyd i newid y geiriad ychydig, er mwyn caniatáu i'r cwestiynau wyro oddi wrth thema eang mewn amgylchiadau eithriadol. Felly, mae'r Rheolwyr Busnes wedi cytuno ar y canllawiau a gasglwyd yn eu cyfanrwydd ac fe'u cyhoeddir yn fuan.

</AI13>

<AI14>

7 Papurau i'w nodi - Y Pwyllgor Busnes

</AI14>

<AI15>

7.1 Llythyr gan y Prif Weinidog at y Pwyllgor Materion Allanol a Deddfwriaeth Ychwanegol ynghylch slotiau gweinidogion ar ddydd Llun

</AI15>

<AI16>

7.2 Llythyr at y Prif Weinidog gan y Pwyllgor Materion Allanol a Deddfwriaeth Ychwanegol ynghylch slotiau gweinidogion ar ddydd Llun

Nododd y Rheolwyr Busnes y ddau lythyr, ac awgrymu y gallai Cadeirydd y Pwyllgor ddymuno codi'r mater o Weinidogion yn mynychu slotiau Pwyllgorau ar brynhawn dydd Llun yn Fforwm y Cadeiryddion.

</AI16>

<AI17>

8 Unrhyw Fater Arall

Aelodau'r Pwyllgor Busnes

Er bod Plaid Brexit yn gymwys i gael ei chynrychioli ar y Pwyllgor Busnes, cafodd y cynnig i ethol Caroline Jones fel aelod ei drechu ar 22 Mai. Mae'r Llywydd wedi derbyn cais gan Blaid Brexit i ail-gyflwyno'r cynnig i ethol Caroline Jones. Cytunodd y Rheolwyr Busnes i ail-gyflwyno'r cynnig a'i drefnu, dros dro, ar gyfer yfory, ond gofynnwyd i swyddogion wirio gyda Phlaid Brexit a oedd yr amseru yn briodol iddyn nhw.

</AI17>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>